Псалом 2 («Вскую языцы велми ся шаташа…»)
Вскую языцы велми ся шаташа,
людие тщетным ум свой прилагаша.
Царие земли со князи предстаху,
на Бога и на Христа Его встаху.
Расторгнем узы онех глаголюще,
отвержим иго от нас тяжко суще.
Живый в небесех оным посмеется,
Господь всевидец им поругается.
Тогда в гневе к ним имать слати,
яростию си сердца их смущати.
Аз же поставлен в Сионе Царь быти,
повеление Господне явити.
Господь рече Ми: Ты Сын возлюбленный,
Мой еси, Мною Ты ныне рождённый.
Проси от Мене и дам Ти языки
в досточние вся концы вовеки.
Жезлом железным оны укротиши,
злые же, яко скудель, сокрушиши.
Днесь вы, царие, разум приимите,
судие земли вси ся накажите.
Со страхом Богу живу работайте,
трепетом Ему радостни бывайте.
Накажите ся, да не воз[ъ] ярится
Господь и з гневом на вы обратится.
От пути правды да не погибнете,
паче в милости Его да будете.
Блажени, иже в Бозе уповают,
надежду свою всю в Нем полагают.
Читайте также
Похожие
- Иван Афанасьевич Кованько - Стихи великому певцу великих
- Николай Степанович Гумилёв - Орёл Синдбада
- Максимилиан Александрович Волошин - Мир закутан плотно…
- Максимилиан Александрович Волошин - Небо запуталось звёздными крыльями…
- Александр Трифонович Твардовский - «Отыграли по дымным оврагам…»
- К. Р. - Ни звёзд, ни луны. Небеса в облаках…
- Николай Платонович Огарёв - У Моря («Ночь и буря с чёрной мглою…»)
- Николай Степанович Гумилёв - Видение
- Дмитрий Сергеевич Мережковский - Старинные октавы Octaves du passéПеснь первая. XLII. «О, только бы опять увидеть вас…»
- Николай Степанович Гумилёв - «Рощи пальм и заросли алоэ…»