Стихотворение

Содомляне дом Лота обтекоша,
‎‎странных просяще гласы вознесоша.

Презол грех с ними хотяще творити.
‎‎Лот же изшед к ним хотяй возбранити.

Братии жита Иосиф продаёт,
‎‎устрашая же их злодеими зовёт.

О отце бо их хощет вопросити,
‎‎себе же от них мыслит утаити.

Моисею Бог в купине явися,
‎юже горящу, он зря удивися.

Приступити же хотяй бысть возбранен.
‎‎Приближися зде, рече, необувен.

Царю Аарон предста и Моисей,
‎‎повергоша же жезл и бысть в змия сей

Се же и царсти волсви сотвориша,
‎‎когождо бо их жезлы в змия быша.

Моисей пасху с народом снедает,
‎‎сице бо ему Бог повелевает.

Всецела агнца испечена огнём
‎‎костми же вкупе и со всем яже в нем.

Первородных смерть царя устрашает,
‎‎тем же вся люди вскоре свобождает.

Египтяне же паче понуждают
‎‎и многи златы вещы им вдавают

Израиля Бог манною питает,
‎‎юже яко снег мног низпосылает.

Люд же узрев ю́, что се вопрошаше,
‎‎бела бо она и округла бяше.

Давид ещё юн сый овцы стрежаше
‎и челюсть зверя люта сокрушаше.

Медведя и лва крепце преборая
‎‎и от зубов их агнцы изхищая.

Матфей святый род Христа описует
‎и имена всех праотцев сказует.
Иессеева корене плод суща,
‎матерь же Деву святую имуща.
Иже да спасёт мир в плоти явися

Марко священный евангелист бяше;
‎‎сей Предтечу глас слова описаше.
Покайтеся, — всем людем вопиюща
‎‎и исправите путь Божий зовуща.
Во Иордане же люд крещающа