Вирши Мардария Хоныкова к гравюрам Библии Пискатора

  1. Давид ещё юн сый овцы стрежаше
    и челюсть зверя люта сокрушаше.

    Медведя и лва крепце преборая
    ‎и от зубов их агнцы изхищая.

  2. Лука священный Христов благовестник
    ‎и многих чудес Его провозвестник.
    Телца же образ при сем написася,
    ‎им же законна жертва знаменася.
    Сея бо действо той воспоминает

  3. Матфей святый род Христа описует
    ‎и имена всех праотцев сказует.
    Иессеева корене плод суща,
    ‎матерь же Деву святую имуща.
    Иже да спасёт мир в плоти явися

  4. Марко священный евангелист бяше;
    ‎сей Предтечу глас слова описаше.
    Покайтеся, — всем людем вопиюща
    ‎‎и исправите путь Божий зовуща.
    Во Иордане же люд крещающа

  5. Сучец в очеси брата смотряеши,Лука 6.41
    бервна же в своём не познаваеши.
    Малое братне зря прегрешение
    ‎твориши ему зло досаждение.
    Сам же болшая злая содевая

  6. Служат, аггела Захариа зряше,Лука, глава 1б стих 11
    иже велию радость возвещаше,
    Яко сын ему Иоанн родится,
    ‎им же Израиль к Богу обратится.
    Но Захариа ему отрицаше,

  7. Аггел Гавриил к деве низпослася,Лука 1.26
    иже предстоит ей зело страшася.
    Благодатная, радуйся взывая
    ‎и Божий совет вечный открывая.
    Со гласом же Сын слово воплотися

  8. От святыя Бог Девы раждаетсяЛука 2.16
    ‎и человек плоть носяй является.
    Бог и человек сей совершен зрится,
    ‎Им же в рожестве девство не вредится.
    И во скотиих яслех возлегает,

  9. Блажени иже духом обнищашаМатф. 5.3
    ‎и весь презревше мир Бога познаша,
    Упование нань возлагающе,
    ‎оставиша вся, горних желающе.
    Сии небесно царство получают,
    ‎аще и мечи их зде разсекают.
    Яко же Иов, иже зло страдаше,

  10. Авраам Агарь с сыном отпущает,Быт. 21.14
    ‎сице бо ему Бог повелевает.

    Исаак убо рек: Наследит твоя,
    ‎о сем же воля сицева есть моя.

    Идущи же в путь, Агарь заблудися
    ‎и в жажди верчги сына прослезися.

  11. DESCENDIT

    Credo 5-6

    Низшедша во ад пленных свободити
    ‎и диаволю крепость разрушити.
    Из мёртвых же в день третий воскресшаго
    ‎и весь род Адамль от уз изведшаго.

  12. Не введи же нас во искус, — вопием —Матф. 6.13
    и прилежно вси молящеся зовем.
    Да паче силы ны зло не постигнет,
    ‎не моляйся бо, сице той погибнет.
    Всяк убо живый на ся не уповай,

  13. Царство небесно Спас уподобляетМатф. 13.44
    ‎‎богатству, еже обрет муж скрывает

    На селе; вся же сия продавает
    ‎и купив село оно рад бывает.

  14. Аще бо слепец слепца наставляет,Матф. 15.14
    ‎еже по всему велми зло бывает.

    Не может бо путь их веема прав быти,
    ‎но падше в дол вси имут ся разбити.

  15. Винограда Спас притчю предлагает
    ‎‎и делавших в нем верно ублажает

    В онь же изыде господин наяти
    ‎делателей, мзду им обещав дати.

  16. Притчу рече Спас иудейску люду,
    ‎яко виноград есть огражден всюду

    Израиль; Бог же его насадитель,
    ‎но оный рабов его бысть губитель.

  17. Содомляне дом Лота обтекоша,
    ‎странных просяще гласы вознесоша.

    Презол грех с ними хотяще творити.
    ‎Лот же изшед к ним хотяй возбранити.

  18. Со ученики Христос вечеряет.
    ‎К сим един от вас предаст Мя, — вещает
    Сие слышавше скорбети начаша;
    ‎кто же предатель есть алый, не познаша
    Тем перси его Иоанн лобзает,

  19. CREDO

    Верую в Бога безначална Отца,
    ‎‎зримых убо всех и незримых
    Творца Неба и земли и елика суть в них,
    ‎той совершитель и Вседержитель сих.

  20. QUI

    Во чреве Духом Святым заченшася
    ‎‎Марии Девы и в плоть облекшася.
    Рождьшагося же нетленно из нея,
    ‎не вредившаго ключи девства сея.

  21. Израиля Бог манною питает,
    ‎‎юже яко снег мног низпосылает.

    Люд же узрев ю́, что се вопрошаше,
    ‎бела бо она и округла бяше.

  22. Отонуду же грядущи судити
    и царство своё вовек утвердити.
    Живым и мёртвым по делом воздати,
    ‎оных в жизнь, сих же в геенну отслати.

  23. SANCTAM

    Святую церковь в Христе утвержденну,
    ‎православну же и соединенну.
    В ней же и святых вземлем общение,
    ‎яже мати всех есть и спасение.

  24. CARNIS

    Ожидаю же дне воскресения,
    ‎Божиим Духом всех оживления.
    Вси бо во плоти имамы востати
    ‎и якоже кто содея прияти.

  25. VISIONE S APOCALYPTICAE

    Яже Иоанн Богословец зряше
    ‎егда во остров Патмос изгнан бяше.
    Зрителю честне, тебе представляем
    ‎и ясно сия вся изображаем.

  26. VISIONE S APOCALYPTICAE (продолжение)

    1

    Иоанн егда бе в заточении,
    ‎во Патмосе же сущ в восхищении.
    Слыша убо глас, яко трубу гремящ.
    ‎Аз есмь начало и конец — ся зовящь.

  27. VISIONE S APOCALYPTICAE (продолжение)

    5

    Агнец первую печать отрешает,
    ‎‎‎животное же едино глашает.
    Ити и зрети Иоанну велит,
    ‎‎оный же с луком во венце ездца зрит

  28. Братии жита Иосиф продаёт,
    ‎устрашая же их злодеими зовёт.

    О отце бо их хощет вопросити,
    ‎себе же от них мыслит утаити.

  29. Моисею Бог в купине явися,
    юже горящу, он зря удивися.

    Приступити же хотяй бысть возбранен.
    ‎Приближися зде, рече, необувен.

  30. Царю Аарон предста и Моисей,
    ‎повергоша же жезл и бысть в змия сей

    Се же и царсти волсви сотвориша,
    ‎когождо бо их жезлы в змия быша.

  31. Моисей пасху с народом снедает,
    ‎‎сице бо ему Бог повелевает.

    Всецела агнца испечена огнём
    ‎костми же вкупе и со всем яже в нем.

  32. Животна многа земля производит
    ‎‎гады и всяка зверя, иже ходит.

    По сих Творец Бог соблаговоляет
    и человека святейша сотворяет

  33. Первородных смерть царя устрашает,
    ‎тем же вся люди вскоре свобождает.

    Египтяне же паче понуждают
    ‎и многи златы вещы им вдавают